នគរបាលចាប់ខ្លួនជនសង្ស័យ២នាក់ ញៀនល្បែងបញ្ជល់មាន់នៅស្រុកចំការលើ
19-August-2018 | ដោយ ពលមនសិការ
កំពង់ចាម ៖ ជនសង្ស័យ២នាក់ ត្រូវបានកម្លាំងនគរបាលការិយាល័យនគរបាលព្រហ្មទណ្ឌកម្រិតស្រាល សហការជាមួយប៉ុស្តិ៍នគរបាលរដ្ឋបាលស្វាយទាបឃាត់ខ្លួនជាក់ស្តែងពាក់ព័ន្ធករណីលេងបញ្ជល់មាន់កាលពីថ្ងៃទី១៨ ខែសីហា ឆ្នាំ២០១៨ វេលាម៉ោង១៣និង៤៥នាទី) នៅចំណុចចំការកៅស៊ូរ ស្ថិតក្នុងភូមិតាំងក្រង ឃុំស្វាយទាប ស្រុកចំការលើ ខេត្តកំពង់ចាម
លោកវរសេនីយ៍ឯក ថាញ់ សុខវុន នាយការិយា ល័យនគរបាលព្រហ្មទណ្ឌកម្រិតស្រាលខេត្តកំពង់ចាមបានឲ្យដឹងថាមុខសញ្ញាញៀនបញ្ជល់បក្សីខាងលើទី១-ឈ្មោះ ឡេង ប៊ុនឡុង ភេទប្រុស អាយុ៤០ឆ្នាំ ជាតិខ្មែរ ទី២-ឈ្មោះ ស៊យ ខួច ភេទប្រុស អាយុ៣៦ឆ្នាំ ជាតិខ្មែរ ជនទាំង០២នាក់ មានទីលំនៅភូមិតាំងក្រង ឃុំស្វាយទាប ស្រុកចំការលើ ខេត្តកំពង់ចាម។
វត្ថុតាងរួមមាន ៖មាន់ចំនួន០២ក្បាល(ងាប់), ជញ្ជីងថ្លឹងមាន់ចំនួន០១, កញ្ចក់ឆ្លុះបាំងមាន់ចំនួន០១, ម៉ូតូចំនួន០៣គ្រឿង។
បច្ចុប្បន្នជនសង្ស័យ និងវត្ថុតាងខាងលើ ត្រូវបាននាំមកកាន់ស្នងការដ្ឋាននគរបាលខេត្តកំពង់ចាម តាមបញ្ជាលោកហួត វុទ្ធី ព្រះរាជអាជ្ញាអមសាលាដំបូងខេត្តកំពង់ចាម ដើម្បីសាកសួរ និងចងក្រងសំណុំរឿងតាមនីតិវិធី ៕
ចំនួនអ្នកទស្សនា
- ថ្ងៃនេះ2851
- ម្សិលមិញ16391
- សប្តាហ៍នេះ49081
- ខែនេះ164231
- ឆ្នាំនេះ164231
- សរុប20606687